Imam Sadiq a.s
1.Imam Jafar Sadiq A.S. ne farmaya: Khuda ne hamari wilayat ko Quran aur tamam aasmaani kitabon ka madaar qarar dia hai. Quran ki muhkam ayaat is madaar k ird gird chakar kaat’ti hen. Isi ki waja se aasmani kitabon ki awaaz men bulandi paida hui aur imaan zaahir hua.
ref# (kitab: Alqatrato Min Bihaar-E-Manaqib-E-Alnabi Wal Itratey safha 16
2. Hazrat Imam Jaffar-e-Sadiq A.S. ne farmaya: kya hamarey imamon k ilawa koi aur aosia (wali) hen jin k baarey men Rasulallah ne farmaya ho k in ki maarfat haasil karen? Aur jo koi bhi mar gya aur apney imam ko na pehchana to is ki mout haalat-e-kufr ki mout hai aur inkaar ki mout hai.
ref# Page 13, Kitab:Alqatrato Min Bihaar-E-Manaqib-E-Alnabi Wal Itratey
(Ayatullah Syed Ahmad Mustanbat Qudas Sira)
3.Hazrat
Imam Jaffar-e-Sadiq A.S. ne farmaya: Maarfat-e-Khuda k baad koi amal bhi namaz
k hum palla nahi hai. Is k baad zakat, us k baad roza aur phir hajj. In tamam
aamaal ki ibteda aur inteha hamari maarfat hai.
Page 8, Manaqib-e-Ahl-e-Bait
Tajuma-e-Kitab:Alqatrato
Min Bihaar-E-Manaqib-E-Alnabi Wal Itratey
(Ayatullah
Syed Ahmad Mustanbat Qudas Sira)
4. Imam Sadiq AS: Allah ne Moosa se farmaya agar tu Muhammad
ki aur un k ahlebait ki maarifat karey to tu in ki ummat men se hai. Meri
makhlooqaat k darmayan in ki aur in k ahlebait ki misaal aisay hai jaisay
firdos ki misaal jannat men hai. Is k patey nahi girtey aur is ka zaiqa tabdeel
nahi hota (Manaqib-e-Ahlebait Hisa 1 Safha 7
5. Imam Sadiq AS ne farmaya: Agar hamen ijazat hoti k jo muqam
hamara Khuda k nazdeek hai wo logon ko bata saken to tum men isey tahammul aur
qabool karney ki taqat na hoti .
(Bihar
25/385 Hadees 41, Manaqib-e-Ahlebait Hisa 1 Safha 70)
6. Imam Sadiq AS ne apne sahabi se farmaya: Aey Himraan bin
Aeyen dunya aasmaan aur zameenen is hatheli ki manind hen. In k zahir aur
baatin in k kharij aur dakhil aur in k khushk o tar sab imam janta hai (Bihar
25/385 Hadees 42, Manaqib-e-Ahlebait Hisa 1 Safha 71, Almukhtasir Safha 143)
7. Imam Sadiq AS ne farmaya: Salman Farsi ne Rasul S.A.W ki
wafat k 3 roze baad khutba daitey huay kaha tha Agar wo sub kuch jo Ali AS k
fazail k muta’aliq main janta hun tumhen bata dun to tum men se 1 groh mujhey
deewana samajhney lagey ga aur doosra kahey ga k Khudaya Salman ko qatal karney
waley ko baksh de.
(Bihar
32/387, Manaqib-e-Ahlebait Hisa 1 Safha 71)
8.Imam Sadiq AS ne farmaya: Khuda ne arsh k neechay jo paida kya
hai wo sab imam k ikhtiar men hai .(Bihar 25/58, Manaqib-e-Ahlebait Hisa 1
Safha 72)
9. Imam Sadiq AS ne
farmaya: Khuda aisay bandey ko sakht dushman rakhta hai jo sari raat murdaar ki
tarah para rahey aur din baikar guzar dey. Jo tahajud ki namaz na parhey wo
hamarey shion men se nahi (Albaladil Ameen Safha 47, Rozatul Waezeen Safha 321,
Manaqib-e-Ahlebait Safha 51 Hisa 1, Bihar Jild 87 Safha 158 Hadees 53)
10. Imam Sadiq AS ne farmaya: Ibraheem Hazrat Ali k shion main
se hen.(Taweelul Ayaat Jild 2 Safha 495 Hadees 8, Manaqib-e-Ahlebait Safha 53
Hisa 1).
11. Imam Sadiq AS ne farmaya: Jo koi bhi aisay shaks k
sath baithey jo hamarey aeb bayan karey ya aisay shaks ki tareef karey jo
hamara munkir ho ya aisay shaks k sath rabta karey jo hum se rabta tor chukka
ho ya aisay shaks se rabta khatam karey jis ka hamrey sath taa’luq ho ya
hamarey dushman k sath dosti karey ya hamrey dost k sath dushmani karey yaqeeni
tor pe is ne Sura-e-Humd aur Quran-e-Azeem ko nazil karney waley Khuda k sath
kufr kya.
(Imaali Sheikh Suduq Safha 111 Hisa 7 Majlis 13, Bihar Jild
27 Safha 25, Manaqib-e-Ahlebait Safha 47)
12. Imam Sadiq AS ne farmaya: Hamari wilayat har giz tum tak
nahi puhanch sakti magar parhaizgari, koshish karney, sach bolney, amanat ko
ada karney, hamsayon k sath acha salook karney, achey ikhlaaq rakhney, wada
wafa karney, Sila Rehmi karney aur apney sajdon ko lamba karney se hamari madad
karo. Agar Hazrat Ali k qatil ki amanat bhi merey paas hoti to main usey wapis
kar daita
(Bisharatul Mustafa
S.A.W Safha 260, Manaqib-e-Ahl-e-Bait Safha 46).
13. Imam Jaffer Sadiq AS ne farmaya: Muhammd (S.A.W), Ali AS,
Fatima AS, Hassan AS, Hussain AS wo sub kuch jaantey hen jo Khuda ne paida kya
hai aur isey adam se wajood ata kya hai. Ye aasmanon, zameenon, paharon,
saharaon aur daryaon k khazana daar hen. Paharon k wazan, daryaon k pani ki
miqdar, nehron aur chashmon ki taadaad se waqif hen. Koi aisa pata kisi darakht
se nahi girta jis ka ilm in k paas na ho. Zameen ki taareekiyon men har daaney
ka ilm rakhtey hen aur koi kushk o tar nahi magar kitab e mubeen men mojud hai
yani k in k ilm men is ka naqsha mojud hai aur wo isey jaantey hen.
(Manaqib-e-ahlebait Hisa 1 safha 86 Ayatullah Ahmad Mustanbat
Qudas Sira, Misbahul Anwar)
14. Imam Jaffer Sadiq AS
ne farmaya: Jab bhi Paighamber S.A.W.W ko yaad karo to un par kasrat se darood
bhejo. Beshak job hi Aap S.A.W.W par aik martaba darood bhejta hai to Khuda is
par hazaar farishton ki saf men hazar martaba darood bhejta hai aur Khuda ki
tamam makhlooq is par darood bhejti hai kyun k Khuda aur Is k farishton ne in
par darood bheja. Jo koi is kaam ki taraf raghbat aur meelaan na rakhta ho wo
naadaan aur maghroor hai, Khuda, Hazoor S.A.W.W aur un k ahlebait us shaks se
baizaar hen.
(Asool e kaafi 2/492
Hadees 6, Wasail e Shia 4/1211 hadees 4, Manaqib-e-Ahlebait Hisa 1 Safha 153
tarjuma Alqatrat o Min Bihaar e Manaqib e Alnabi Wal itrat Ayatullah Ahmad
Mustanbat Quds Sira).
15. Imam Jaffer Sadiq AS ne farmaya: Jab Rasool e Khuda S.A.W.W ko raat k waqt daikha jaata to Aap k chehray k atraaf men noor ka aik aisa daairaa dikhaae daita jaisay chaand ka aik tukra ho.
(Manaqib-e-Ahlebait Hisa 1 Safha 148 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira, Asool e Kaafi 1/446 hadees 20, Bihaar 16/189 hadees 27)
16.Imam Jaffer Sadiq AS ne farmaya: Khuda ki qasam Rasool Allah S.A.W.W tamam makhlooq k sardaar hen aur Khuda ne un se behtar makhlooq paida nahi ki.
(Manaqib-e-Ahlebait Hisa 1 Safha 148 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira)
17. Imam Jaffer Sadiq AS jab Hazoor S.A.W ka naam suntey thay to tazeem ki khatir apni soorat zameen ki taraf kar laity thay aur farmatey Muhammad Muhammad Muhammad is qadar ziada k aap ka rukh Mubarak zameen k saath lagney k qareeb hojata .
(Alkafi 8/92, Bihaarul Anwaar 17/30 Hadees 9, Manaqib-e-Ahlebait Hisa 1 Safha 135)
18.Imam Jaffer Sadiq AS ne farmaya: Taqwa ikhtiyaar karo, Khuda aur us k Rasul S.A.W.W ko azmat do aur kisi aik ko bhi Rasool e Khuda S.A.W.W par fazeelat na do kyun k Khuda ne unhen sab par fazeelat di hai.
(Manaqib-e-Ahlebait Hisa 1 Safha 138 tarjuma Alqatrat o Min Bihaar e Manaqib e Alnabi Wal itrat Ayatullah Ahmad Mustanbat Quds Sira, Bihaar 25/269 hadees 12)
